ನಗರದ ೧೮ ನೇ ವಾರ್ಡಿನಲ್ಲಿಂದು ಕಾಂಗ್ರೆಸ್ ಯುವ ಮುಖಂಡ ವೈಜನಾಥ ದಿವಟರ್ ಹಾಗೂ ಎಪಿಎಂಸಿ ಅಧ್ಯಕ್ಷ ಗವಿಸಿದ್ದಪ್ಪ ಮುದಗಲ್ ರವರ ನೇತೃತ್ವದಲ್ಲಿ ಬಿರುಸಿನ ಪ್ರಚಾರ ನಡೆಸಲಾಯಿತು.
ಕಾಂಗ್ರೆಸ್‌ನ ಸಿದ್ಧರಾಮಯ್ಯ ಸರಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದು ಕೇವಲ ೯ ತಿಂಗಳಲ್ಲಿ ಸಾಕಷ್ಟು ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಂಡಿದೆ. ಅಲ್ಲದೇ ಕೇಂದ್ರ ಸರಕಾರದ ರೈಲ್ವೆ ಸಚಿವ ಮಲ್ಲಿಕಾರ್ಜುನ ಖರ್ಗೆ ಜಿಲ್ಲೆಗೆ ಸಾಕಷ್ಟು ಯೋಜನೆಗಳನ್ನು ನೀಡುವ ಮೂಲಕ ಈ ಭಾಗದ ಜನತೆ ಅನುಕೂಲ ಕಲ್ಪಿಸಿದ್ದು ಜನತೆ ಇದನ್ನು ಮರೆತಿಲ್ಲ. ಅದೇ ರೀತಿ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿ, ಸ್ಥಳೀಯ ಶಾಸಕರಾದ ರಾಘವೇಂದ್ರ ಹಿಟ್ನಾಳ ಯುವ ನೇತಾರರು ಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಗೆ ಪಣ ತೊಟ್ಟಿದ್ದು ಜನತೆ ಕಾಂಗ್ರೆಸ್ ಕೈಬಿಡಲಾರರೆಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಸ್ಥಳೀಯ ರಮೇಶ ಉಮಚಗಿ, ಪ್ರಶಾಂತ ರಾಯ್ಕರ್, ಅಫ್ಜಲ್ ಪಟೇಲ್, ಬುಡನಸಾಬ ರೇವಡಿ, ಮರ್ದಾನಸಾಬ ದಫೇದಾರ್, ಮೈನುದ್ದೀನ್‌ಸಾಬ ದಪೇದಾರ್, ಇಮಾಮ್ ಹುಸೇನ್ ಓಣಿಯ ಪ್ರಮುಖ ಹಿರಿಯರು ಪಕ್ಷದ ಕಾರ್ಯಕರ್ತರು ೧೮ ನೇ ವಾರ್ಡಿನ ಸಮಸ್ತ ಗುರುಹಿರಿಯರು ಕಾಂಗ್ರೆಸ್ ಪರವಾಗಿ ಪ್ರಚಾರ ಮಾಡಿದರು.
0 comments:
Post a Comment