ಕೆಂಬಣ್ಣದ ಚಿತ್ರ

ಸದನಕ್ಕೆ ಕಳಿಸುತ್ತೇವೆ 

ನಿಮ್ಮನ್ನು ಯಾಕೆ?

ನೀಲಿ ಚಿತ್ರಗಳನ್ನು ನೋಡೋಕೆ 

ರೈತರು ಸಾಯುತ್ತಿದ್ದರೂ ನಗೋಕೆ

ಪಕ್ಷಾಂತರ ಮಾಡಿ ಪಲ್ಲಂಗವೇರೋಕೆ

ನೆಲ ಬಗಿದು ಕೊಳ್ಳೆ ಹೊಡೆಯೋಕೆ

ಮಹಿಳೆಯರ ಮಾನ ಹರಣ ಮಾಡೋಕೆ

ಎಂದು ತಿಳಿದುಕೊಂಡಿರಾದರೆ ಜೋಕೆ !

ಸದನಕ್ಕೆ ಕಳಿಸುವುದು 

ಮದನಲೀಲೆ ಮಾಡಲಿಕ್ಕಲ್ಲ

ಜನದನಿಯ ಕೇಳಲಿಯೆಂದು

ನಾಡು ಮುನ್ನಡೆಸಲಿಯೆಂದು

ನಮ್ಮ ದನಿಯ ಕೇಳದಿದ್ದರೆ

ಕರುಳ ಬಗೆಯುತ್ತೇವೆ

ಕೊರಳ ಬಿಗಿಯುತ್ತೇವೆ

ಹೆಡೆಮುರಿಗೆ ಕಟ್ಟುತ್ತೇವೆ

ಬರಲಿ ಚುನಾವಣೆ

ತೋರಿಸುತ್ತೇವೆ ಕೆಂಬಣ್ಣದ ಚಿತ್ರ 

- ಅಲ್ಲಮಪ್ರಭು ಬೆಟ್ಟದೂರ