ದರ್ಶನ - ಅಮರದೀಪ್ ಪಿ.ಎಸ್. ಕವಿತೆ

ಮೂರ್ತಿ ಒಕ್ಕಲೆಬ್ಬಿಸಿದ್ದ ಗುಡಿಯೊಳಗೆ 

ಗರ್ಭ ಫಲಿತವಾದ ಪ್ರಕ್ರಿಯೆ 

ಪುರಾಣ ಪಠಣಗೈವ ಹಜಾರೆಯೊಳು 

ಪಟಪಟಿಸಿ ಗರಿ ಒಗೆವ ಪುಂಡ ಕೈಗಳು 

ಮಡಿವಂತ ಮಂದಿ ಕರೆದರು;

ಗುಡಿ ಪಾಳು ಬಿದ್ದಿದೆ,

ಹೈಕಳು ಹಾಳಾಗಿ  ಹೋಗಿವೆ ..... 

ಕುಡುಕ ರಾಮನ ಗಾಯನ ತೊದಲಿಗೆ 

ಸಿಡುಕ  ಬಸ್ಯಾನ ಬಡಬಡಿಕೆಗೆ 

ಸಾವಿನವರೆಗೂ ಸ್ನಾನ ಕಾಣದ 

ಕೆರಕಪ್ಪನ ಗಬ್ಬು ಹಾಸಿಗೆಗೆ 

ಮೂಕವಾಗಿತ್ತು  ದೇಗುಲ

ಬೆಳಗಾಗೆದ್ದು ಕೇಳದ ಭಕ್ತಿ ಗೀತೆಗೆ 

ಬೀದಿ ನಲ್ಲಿ ಬದಿ ಪಿಸುಗುಡುವ ಹೆಂಗಸರ ಮಾತಿಗೆ ....  

ಇದ್ದಕ್ಕಿದ್ದಂತೆ ಓಣಿಯ ಜನಕ್ಕೆ 

ಜ್ಞಾನೋದಯವಾದಂತೆ....... 

ನೋಡ ನೋಡುತ್ತಲೇ 

ಕುಡುಕ, ಸಿಡುಕ, ಕೆರಕನ ಗದರಿ 

ಚೆದುರಿ, ಚೆಂದನೆಯ 

"ಲಿಂಗ" ವೊಂದನ್ನಿಟ್ಟು  ಪ್ರತಿಷ್ಠಾನವೆಂದರು ......

ದೇಗುಲವೀಗ  ಅಲ್ಲಿ ಸಂತೃಪ್ತ 

ಕತ್ತಲಲ್ಲಿ ಬೀಗದ ಹಿಂದಿನ  ದೇವರು 

ಒತ್ತಾರೆ ಎದ್ದು ತೊಯ್ದ ಬೆನ್ನಿನ 

ಜಾರಿ ಬಿದ್ದ ಜಡೆಯ ಹೊತ್ತು 

ಬರುವ ಭಕ್ತಿ ನೀರೆಯರ  ಕಂಡು

ವಿಭೂತಿಧಾರಿಗಳ ಭಯಭೀತಿ ದಂಡು ........ 

ಅಮರದೀಪ್  ಪಿ .  ಎಸ್ ......

9449464035

Photo : web