.jpg)
ಸಜ್ಜನಿಕೆಯ ಕವಲೂರುಗೌಡ್ರರ ಗೆಲುವಿಗೆ ಯುವಜನತೆ ಸನ್ನದ್ಧವಾಗಿದೆ: ರಾಜೇಶ ಯಾವಗಲ್
ಕೊಪ್ಪಳ, ಏ.೨೧: ಸಜ್ಜನಿಕೆ, ಸರಳ ವ್ಯಕ್ತಿತ್ವದ ಕೊಪ್ಪಳ ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಪಕ್ಷದ ಅಭ್ಯರ್ಥಿ ಪ್ರದೀಪಗೌಡ ವಿ. ಮಾಲಿ ಪಾಟೀಲ್ರ ಗೆಲುವಿಗೆ ಕ್ಷೇತ್ರದ ಯುವಜನತೆ ಸನ್ನದ್ಧವಾಗಿದೆ ಎಂದು ಯುವ ಮುಖಂಡ ರಾಜೇಶ ಯಾವಗಲ್ ಹೇಳಿದರು.
ಅವರು ಶನಿವಾರ ನಗರದ ಕೇಂದ್ರ ಬಸ್ ನಿಲ್ದಾಣದ ಹತ್ತಿರದ ಸ್ಪಂದನ ಗ್ರಾಮೀಣ ಅಭಿವೃದ್ಧಿ ಮತ್ತು ಶಿಕ್ಷಣ ಸಂಸ್ಥೆಯಲ್ಲಿ ನಡೆದ ಜೆಡಿಎಸ್ ಪಕ್ಷ ಸೇರ್ಪಡೆ ಕಾರ್ಯಕ್ರಮದಲ್ಲಿ ಮಾತನಾಡಿ, ಕ್ಷೇತ್ರದಲ್ಲಿ ಜೆಡಿಎಸ್ಗೆ ಹೆಚ್ಚಿನ ಓಲವಿದೆ. ಅದರಲ್ಲೂ ಕವಲೂರು ಗೌಡರ ಬಗ್ಗೆ ಹೆಚ್ಚಿನ ಓಲವು ಹಾಗೂ ಅಭಿಮಾನಿಗಳಿದ್ದು ಅವರ ಗೆಲವು ನಿಶ್ಚಳವೆಂದರು. ನಿಷ್ಠಾವಂತ ಯುವ ಕಾರ್ಯಕರ್ತರು ಪ್ರತಿ ಗ್ರಾಮಗಳಲ್ಲಿದ್ದು ಅವರೆಲ್ಲಾ ಗೌಡರ ಗೆಲುವಿಗೆ ಪ್ರಾಮಾಣಿಕ ಪ್ರಯತ್ನ ನಡೆಸಬೇಕು. ಯಾವುದೇ ಕುತಂತ್ರಕ್ಕೂ ಅವಕಾಶ ನೀಡಬಾರದು ಎಂದು ನುಡಿದರು.
ಇದೇ ವೇಳೆ ಕೊಪ್ಪಳ ವಿಧಾನಸಭಾ ಕ್ಷೇತ್ರದ ಜೆಡಿಎಸ್ ಪಕ್ಷದ ಅಭ್ಯರ್ಥಿ ಪ್ರದೀಪಗೌಡ ವಿ. ಮಾಲಿ ಪಾಟೀಲ್ ಮಾತನಾಡಿ, ಪಕ್ಷದ ನಿಷ್ಠಾವಂತ ಕಾರ್ಯಕರ್ತ ಇಂದು ತಮ್ಮ ಕ್ಷೇತ್ರದಲ್ಲಿ ಸಕ್ರೀಯವಾಗಿ ಪಕ್ಷದ ಕಾರ್ಯದಲ್ಲಿ ತೊಡಗಿದ್ದು ಯುವ ಕಾರ್ಯಕರ್ತರು ಹೆಚ್ಚಿನ ಜವಬ್ದಾರಿವಹಿಸಿ ಕಾರ್ಯನಿರ್ವಹಿಸಬೇಕಿದೆ. ಪಕ್ಷಕ್ಕೆ ದಿನದಿಂದ ದಿನಕ್ಕೆ ಸ್ವಪ್ರೇರಣೆಯಿಂದ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಿರುವುದು ನಮಗೆ ಮತ್ತಷ್ಟು ಜಯದ ವಿಶ್ವಾಸ ಹೆಚ್ಚಿಸಿದೆ. ಅದೇ ರೀತಿ ತಾವೇಲ್ಲಾ ಅಭಿಮಾನದ ಜನತೆಯನ್ನು ಮತದಾನದ ಮೂಲಕ ಪರಿವರ್ತನೆಗೆ ಮುಂದಾಗಬೇಕೆಂದರು.
ಈ ಸಂದರ್ಭದಲ್ಲಿ ಸುಮಾರು ೫೦ ಕ್ಕೂ ಹೆಚ್ಚು ಯುವಕರು ಪಕ್ಷ ಸೇರ್ಪಡೆಗೊಂಡರು.

0 comments:
Post a Comment