ಗ್ರಾಮಸ್ಥರಿಂದ ಕ್ರೇನ್ ಮೂಲಕ ಕೋಣ ರಕ್ಷಣೆ

ಕೊಪ್ಪಳ,ಏ.೧೮: ತಾಲೂಕಿನ ಚಿಕ್ಕಬಗನಾಳ ಗ್ರಾಮದಲ್ಲಿ ಶುಕ್ರವಾರ ರಾತ್ರಿ ೧೦.೦೦ ಗಂಟೆ ಸುಮಾರಿಗೆ ಗ್ರಾಮದ ಹೊರಗಡೆ ಇರುವ ಭಾವಿಯಲ್ಲಿ ಗ್ರಾಮದ ಶ್ರೀ ಕೆಂಚಮ್ಮ ದೇವಿಗೆ ಬಿಟ್ಟಿದ್ದ ಕೋಣವೊಂದು ಬಿದ್ದಿದ್ದು, ಗ್ರಾಮಸ್ಥರ ಸಹಕಾರದಿಂದ ಕೋಣವನ್ನು ಕ್ರೇನ್ ಮೂಲಕ ರಕ್ಷಣೆ ಮಾಡಲಾಯಿತು. 

ಶನಿವಾರ ಬೆಳಿಗ್ಗೆ ೯.೩೦ ರಿಂದ ೧೧.೦೦ ರವರೆಗೆ ನಡೆದ ಕಾರ್ಯಾಚರಣೆಯಲ್ಲಿ ಈ ಕೋಣವನ್ನು ಗ್ರಾಮದ ಯುವಕರು, ಹಿರಿಯರ ನೇತೃತ್ವದಲ್ಲಿ ಕ್ರೇನ್ ಮೂಲಕ ತೆಗೆಯಲಾಯಿತು.