ಪ್ರೀತಿಯೆಂದರೆ....

ಪ್ರೀತಿಯೆಂದರೆ....
ಎಂಜಿ ರಸ್ತೆಯಲಿ ಕೈಗೆ ಕೈ
ಮೈಗೆ ಮೈ ಬೆಸೆದುಕೊಂಡು ಅಡ್ಡಾಡುವುದು
ಪ್ರೀತಿಯೆಂದರೆ
ಸೈಬರ್ ಸೆಂಟರ್ ನ ಕ್ಯಾಬಿನ್ ನೊಳಗೆ ಮುದ್ದಾಡುವುದು
ಪ್ರೀತಿಯೆಂದರೆ
ಫೇಸ್ ಬುಕ್ಕಿನೊಳಗೆ ಇಣುಕಿ
ಐಫೋನ್ ಗಳ ಗೋಡೆಚಿತ್ರವಾಗುವುದು
ಪ್ರೀತಿಯೆಂದರೆ
ಆಕ್ಸ್ ಮತ್ತು ಇವಾಗಳ ಮೇಲಾಟ, ತಡಕಾಟ

--
ಪ್ರೀತಿಯೆಂದರೆ
ಕಾಲ್ಗೆಜ್ಜೆನಾದಕ್ಕೆ ಸೋತು
ಧ್ವನಿಗೆ ಕಾತರಿಸಿ
ಕಣ್ ಸನ್ನೆಗಳೇ ಭಾಷೆಯಾಗುವುದು

ಪ್ರೀತಿಯೆಂದರೆ
ಕಲ್ಲುಕೋಟೆಗಳ ಮೇಲೆ
ಮರಗಿಡಗಳ ಮೇಲೆ
ಅಮರ ಅಕ್ಷರಗಳಾಗುವುದು

ಪ್ರೀತಿಯೆಂದರೆ
ಮೌನದಲಿ ಮಾತಾಗಿ
ಕಣ್ಣೊಳಗಿನ ಬಿಂಬವಾಗಿ,ಚಿತ್ರಗಳಾಗಿ
ಕಾಲನ ಕೈಯಲ್ಲಿ ಕರಗಿಹೋಗುವುದು

ಪ್ರೀತಿಯೆಂದರೆ......